دانلود آهنگ خلیفه ستار سوقی به نام سیل

آهنگ خلیفه ستار سوقی سیل

دانلود آهنگ ترکی خلیفه ستار سوقی بنام سیل

خلیفه ستار سوقی سیل

دانلود آهنگ سیل – آهنگ ترکی از خلیفه ستار سوقی

( دانلود آهنگ های خلیفه ستار سوقی )

شاهئر : خالیپا ستار سوقی
اۇقان : آرازدوردئ خۇجا
سس تاییارلایجئ : اوسساد فریدون رومی
یازغا گچیرن: پئنار
_ _ _ _ _ _ _ _

متن آهنگ ترکمنی سیل

ایلیم بیلن دِنگ یاشادئم، دِنگ اؤسدۆم
یاسئندا آغلادئم، تۇیوندا گۆلدۆم
یۆکلی گۆنی، یۆکۆن آلدئم، پایلاشدئم
یِنگیش گۆنی، یۆک دۆشۆردیم، یِنگلِشدیم
عجیز اۆلکأم یۇقدور، باتئردئر ایلیم
اۇق آتئشئپ طوپان‌لاردا تاپلانان
غاررئ قاقالارنئنگ ارته‌کی‌سینده
کِیمیریندن، اۇرازئندان یادلانان
اِنتک طوپان‌لارا یان برن‌ دألدیر
تۇقای‌لارنئنگ غاررئ تودلارئ یالئ
اۇنونگ عاداتئندا زِیرنمِک یۇقدور
گؤونی گینگدیر، ائمغئر چؤلی مئثالئ
ائنها بو گۆن، طبیغاتئنگ خۇوپوندان
بیری گلیپ آبانئپ دور باشئنا
کِلالا بایرئندان، دنگیزه دِنگچ
سیل چایقانئپ یاتئر، دِگره داشئندا
سیل تِیینده غالدئ نه گؤزل جای‌لار
آق کِجه‌بأ نییِتلِنن بوغدای‌لار
آی غارداش آرماوِر، سۇنگ خایئر بۇلسون
دیییپ بارسانگ، گۆلۆپ باقار یاغدای‌لار
بِیله جۇماردلئغئ، بِیله مردلیگی
اۇلار گینگ چؤل‌لرنینگ اؤزۆندن آلدئ
طوپانلئ گۆن اِمه‌دِکلأپ یئقئلسا
داغ‌لارنا دایانئپ، دئزئنا غالدئ
بو موصیبات گؤز یاش اتمِکدن آغئر
گؤزیاش‌لانگ یۆرکده دئمان گۆن‌لری
یئل‌لار بۇیئ عارضئلانان آرزوولار
طبیغات غاهارنا، سینگِن گۆن‌لری
آدام‌لار اؤزۆنه پِنا توتونئپ
طبیغاتئنگ دِپه داغئنا چئقدئ
ایچیندن آخ چکیپ، یۆرکدن آغلاپ
باش‌لارئنئ یایقاپ، مئلغئیئپ باتدئ
طبیغاتئنگ آجئ دؤزۆملیک‌لرنه
یِر غاپسا−دا، اۇد یاقسا−دا
غاراشدئ، اِلیندن بالاسئن آلاندا تۇپراق
ارتیر بارئپ تۇپراق بیلن یاراشدئ
کِلالا بایرئندان، گؤک دریا دِنگچ
سیل چایقانئپ یاتئر عزیز اۆلکأمده
آغشام ائشئق یانئپ، سس−اۆین چئقمادئ
اؤتِن آغشام، چاغا گۆلۆشیأن تامدا

اؤتن آغشام، چاغا گۆلۆشیأن جای‌لانگ
مازاسئ سۇوولئپ، گؤچۆپدیر گؤچی
غارلاواچ‌لار جئغئرداشئپ ایواندا
غامخانا دؤنۆپدیر، اؤی‌لرینگ ایچی
اِیه‌سی نیرده‌کأ، اِیه‌سی نیرده‌کأ غۇنگشئ
اۇبانئ پِنالاپ گیدیپدیر اِجکه‌م−آغام
واخ، غوجاق آچان اؤی دوزونگا غوربان
شۇندا سِنگ مرتِبأنگ اۆچ اِسسه آدام
بِیگِلدی−بِیگِلدی، ینه−ده بِیگأر
شیله یاغدای‌لاردا، هۇواندار بۇلساق
دردیمیز پایلاشساق، یۆکۆمیز یِنگلأر
پألیمیز پأک توتساق، غادئردان بۇلساق

خلیفه ستار سوقی سیل

ائنها ینه دورون، بیر اۇبانگ چِتی
نه گؤزل آق جای‌لار یئقئلئپ یاتئر
بیر یاندا لای باسان،اِکین‌لر اۇتئر
اِیمِنجی−اِیمِنجی شکیل‌لر یاتئر
بو موصیبات، گؤزیاش اتمِکدن آغئر
بو موصیبات، غۇشغئ یازماقدان بِییک
اِنأنی اِنگره‌دیپ، آتانئ آغلاتماق
غۇجا تۇپراق سانگا، عایئبدئر عایئب
یِر سارسمادان، یِلدن، سوودان اۇدونگدان
ینه−ده سیلینگدن آمان ساقلاغئن
دؤرت غودراتئنگ غارشئسئندا آدام‌لانگ
عجیز گؤردۆم، اینگ بیر بِییک غودراتئن
کِلالا بایرئندان گؤک دریا دِنگچ
سیل چایقانئپ یاتئر بو‌گۆن یایلامدا
بیشِر−بیشِر بوغدایئمئنگ خۇشاسئن
ائسئن ائسغاپ اۇوراتمادئم آیامدا
هر زادئنگ باش آلئپ دورماشئ یالئ
سیل هم گلیپ گچدی نۇباتبه-نۇبات
چؤلده، اۇبالاردا، هم آدام‌لاردا
آد غازانئپ، غۇیوپ گیتدی عالامات

چؤل‌لرینگ اِلیندن نئغماتئن آلدئ
اۇبالانگ ایچیندن شادلئغنئ سۇودئ
آدام‌لانگ بالاسئن زیر−زیبیل ادیپ
چؤلده، چؤرمِک‌لرده چادئر غورولدئ
واخ، چادئر، سانگا−دا شۆکۆر
اۇوالام عؤمۆر بۇیلئ آغاچ اؤیده یاشادئم
آتا بۇلوپ، آت اۆستۆنده اولالئپ
انه بۇلوپ غۇچ اۇغول‌لار دؤشه‌دیم
هیچ بیر هاچان کیچِلمه‌دیم دۆنیأده
بیر کیچِلدیم شاهاماتلئ غاصئردان
ائنها شو گۆن بۇلسا اوتانیارئن من
ییگریم بیرکی شاهاماتلئ عاصئردان
اۇنأمۆچین ییگریم بیرکی عاصئردا
آی بیلن یئلدئزدان آغزایان آدام
یِر یۆزۆنده سیله پیدا بۇلمالئ
یۇق اؤنگه دأل، ائزا اوریارمئ غادام
دینگه یکه زادا غووانیارئن من
بیر جۇمارد خالقئم بار، غاهرئمان ایلیم
شۇلارئنگ گۆیجۆنه ائنانیارئن من
حمایات بردیلر، توتدولار غۇلوم
کِلالا بایرئندان، دِنگیزه دِنگچ
سیل چایقانئپ گلیپ گچدی یایلامدا
آغشام ائشئق یانئپ، سسی چئقمادئ
سیل اِلیندن ویران بۇلان اۇبامدا
ساوچئ یر یۆزۆنینگ اوروشئن، هم اۇدون
آدام‌ زاتدئر گؤرملیدیر گؤرجه‌گین
سبأبی مۆنگ‌لرچه عاصئر گچسه−ده
حاقیقاتا آچمان دوران غوجاغئن
یِره، سووا، اۇدا، یِله، دؤرت گۆیجه
پیدا بۇلوپ دورار، ینه−ده بۇلار
بِلکی حاقیقاتئ تاپاندان سۇنگرا
بو‌ زات‌لارام اؤز اؤزۆندن دۆزه‌لر